Միջին քաշային կարգում աշխարհի նախկին չեմպիոն Արթուր Աբրահամը (34-3) մեկնաբանել է օգոստոսի 25-ին Բեռլինում կայանալիք` WBO վարկածով երկրորդ միջին քաշային կարգում աշխարհի չեմպիոն Ռոբերտ Շտիգլիցի (42-2) դեմ մենամարտը:
«Իմ վերջին մենամարտում հասկացա, որ ավելի շատ հարվածներ պետք է կատարեմ, անհրաժեշտ է ժամանակ չտալ հակառակորդին` ուժերը վերականգնելու համար: Բացի այդ՝ ավելի լավ պետք է աշխատեմ ձախ ձեռքով:
Ինձ հզոր հակառակորդի հետ մենամարտ է սպասվում: Շտիգլիցն արագաշարժ է, աջ և ձախ ձեռքերի հավասարապես հզոր հարվածների է տիրապետում: Ռինգում պետք է զգույշ գործեմ:
Ես պրեսինգի եմ ենթարկվում, բայց կարծում եմ, որ հարուստ փորձը կօգնի ինձ հաղթանակել այդ մենամարտում: Ցանկանում եմ նվաճել տիտղոսը և մի քանի անգամ պաշտպանել այն: Իսկ բռնցքամարտից հեռանալու մասին կմտածեմ 35-ամյակս նշելուց հետո»,- World Boxing News-ը մեջբերում է մեր հայրենակցի խոսքերը: