31-ամյա կին բանտարկյալը ձերբակալվել է Գլենդելի բանտում հայ կալանավորի դեմքին հարվածելու կասկածանքով: Այս մասին տեղեկացնում է Glendale News Press-ը:
Քրիստին Հանթը արդեն իսկ կալանքի տակ է թմրանյութերի ազդեցության տակ մեքենա վարելու և ավտոճանապարահային պատահարի պատճառ դառնալու մեղադրանքով:
Շաբաթ օրը, երբ նա դուրս է եկել իր բանտախցից, մոտեցել է Sun Valley-ի բնակչուհի, 24-ամյա Շարիզ Շահնազարյանին և բռունցքով հարվածել նրա դեմքին:
Շահնազարյանը, որը կալանքի տակ է կայանած մեքենային ոչ սթափ վիճակում բախվելու կասկածանքով, իրավապահներին հայտնել է, թե հարվածի տակ է հայտնվել առանց պատճառի: Այդ պահին նա էլ է դուրս եկել իր խցից:
Հանթը իբր սպառնացել է կծել Շահնազարյանին` հասկացնելով, թե պատճառը իր «հայացքը որսալն» է: