Բրիտանական հետազոտողները պարզել են, որ շոփինգի համար ամենահաջող քաղաքը Լոնդոնն է: Լոնդոնի մայրաքաղաքը զբաղեցրել է առաջին հորիզոնականը` ոչ պարենային ապրանքների շրջանառության ծավալով: Անցած տարի այդ ոլորտում շրջանառությունը կազմել է 64.2 մլրդ ֆունտ սթերլինգ: Այս ցուցանիշով Լոնդոնը գերազանցել է ուսումնասիրության ենթարկված 22 ամենախոշոր քաղաքներին: Այս մասին հաղորդում է PRIME-TASS-ը:
Ցուցակում երկրորդ հորիզոնականում Ճապոնիայի մայրաքաղաք Տոկիոն է` 61.4 մլրդ ֆունտով, իսկ երրորդում` Նյու Յորքը` 47 մլրդ: Լոնդոնին այս արդյունքներին հասնելու համար նպաստել են մի քանի գործոններ` խանութների քանակը և վաճառվող ապրանքների որակը, ինչպես նաև ամեն տարի Լոնդոն այցելող զբոսաշրջիկների քանակը:
Տեղեկացնենք, որ Լոնդոնում այս պահին գործում են ավելի քան 26 հազար խանութներ, որտեղ ներկայացված են աշխարհի մանրածախ առևտրով զբաղվող 250 խոշորագույն ցանցերից 138-ը: Մեծ Բրիտանիայի մայրաքաղաք անցած տարի այցելել է ավելի քան 14 մլն զբոսաշրջիկ:
