Փասադենայի Hahamongna Watershed պուրակում 4 ամիս առաջ հայտնաբերված դիակի ինքնությունը պարզվել է: Այն պատկանում է Գլենդելի 51-ամյա բնակիչ, հայազգի Գաբրիել Հորիղյանին: Այս մասին տեղեկացնում է Glendale News Press-ը՝ հղում անելով Լոս-Անջելեսի շրջանային դատաքննչական գրասենյակին:
2012-ի ապրիլի 15-ին տղամարդու դին պուրակի ծառաշատ հատվածում հայտնաբերել էր մի հեծանվորդ: Դիակը նեխած է եղել: Տղամարդու մահվան պատճառը բացահայտել չի հաջողվել: Քննիչների հավաստմամբ` դիակի վրա բռնության հետքեր չեն հայտնաբերվել:
Հորիղյանը մոր ու եղբոր հետ բնակվել է Գլենդելի Chestnut փողոցում: Հորիղյանի քույրը` Անահիտը, նշել է, որ Գաբրիելի մահվան հանգամանքները իրենց ընտանիքի համար ևս անհայտ են:
