«Ժառանգությունը» շարունակում է մնալ այն ուժը, որ ընդդիմության միավորումը համարում է մեծ հաղթանակի նախապայմանը: Մենք շարունակում ենք եզրեր փնտրել ընդդիմության ուժերին միավորելու համար»,- ասում է Ստեփան Սաֆարյանը:
«Ժառանգության» պատգամավորը անդրադառնում է նաև ՀԱԿ անդամ Դավիթ Շահնազարյանի օրերս արած այն հայտարարությանը, որ «Ժառանգությունում» կան մարդիկ, ովքեր դեմ են ՀԱԿ-ին: Այս հայտարարությունը, ըստ Սաֆարյանի, ցույց է տալիս, որ ընդդիմությունը լուրջ խնդիր ունի: «ՀՅԴ-ն ու ՀԱԿ-ը չեն դադարում իրենց մամուլում միմյանց դեմ հրապարակումներ գրել: Պետք է վերջ տանք դրան»,- հորդորում է Սաֆարյանը: Ըստ «Ժառանգության» պատգամավորի` նման կերպ շարունակելու դեպքում ընդդիմությունը չի տարբերվի իշխանությունից: «Մենք պիտի այլընտրանք լինենք: Պիտի թողնենք «միացեք մեզ» կոչերը, այլապես չենք տարբերվի ՀՀԿ-ից»,- ասում է Սաֆարյանը:
Բանախոսը նշում է նաև, որ «Ժառանգութունը» պատրաստ է համագործակցել ընդդիմության այլ ներկայացուցիչների հետ նախևառաջ իր առաջարկած օրինական ծրագրի կյանքի կոչման հարցում: «Ժառանգությունը» ԱԺ-ի քննարկմանն է ներկայացրել ավտոմեքենաների մաքսազերծման նախկին ընթացակարգի վերականգնման մասին ծրագիր, որի ընդունման համար նախատեսում է բանակցել ՀՅԴ-ի և այլ խմբակցությունների հետ, քանզի նախկին ընթացակարգի վերականգնումը հույժ կարևոր է: