Ինչպես ուրբաթ օրը հայտնել է եգիպտական MENA գործակալությունը, Լիբիան, որը նախագահում է Արաբական երկրների լիգա կազմակերպությունում, որոշում է ընդունել մի շարք արաբական երկրներում չդադարող ժողովրդական հուզումների ֆոնի վրա անորոշ ժամանակով հետաձգել այս կազմակերպության հերթական համաժողովը:
Միևնույն ժամանակ Լիգայի գլխավոր քարտուղար Ամր Մուսան Reuters գործակալությանը հայտնել է, որ համաժողովի հետաձգման համար պաշտոնական հայց չի ստացել: «Այսպիսի որոշումներն ընդունվում են միասնաբար»,- ասել է նա:
Լիգայի հերթական` 23-րդ համագուրը պետք է տեղի ունենար մարտի 29-ին Բաղդադում: Նախատեսվում էր, որ Լիբիայի նախագահ Միամար Քադաֆին Լիգայի նախագահությունը պետք է փոխանցեր Իրաքի նախագահ Ջալալ Թալաբանիին:
Ներկա պահին անկարգություններ են տեղի ունենում Եմենում և Բահրեյնում: Հակակառավարական մասսայական ցույցեր են տեղի ունեցել նաև Ալժիրում, Իրաքում և Հորդանանում: Ավելի քան 24 մարդ է զոհվել Լիբիայում իրավապահ մարմինների հետ սկսված մասսայական բախումների ժամանակ: