Ըստ Հասարակական կարծիքի ուսումնասիրության համառուսաստանյան կենտրոնի անցկացրած սոցհարցումների, սոցիալական ցանցերի և բլոգների օգտատերերի առնվազն 51%-ը գոնե մեկ անգամ ստիպված է եղել իր մասին սխալ տեղեկություն տեղադրել այս ռեսուրսներում: Հարցվածներից նմանատիպ հակումներ ունեն առաջին հերթին 18-24 տարեկանները (հարցված երիտասարդության 59%-ը դիմել է այդ քայլին):
Շատ հաճախ սոցցանցերի օգտատերերը սխալ տեղեկություն են տալիս անվան, ինչպես նաև ծննդյան թվականի մասին: Այսպիսի օգտատերերը հակված են նաև սխալ ներկայացնել իրենց ընտանեկան կարգավիճակը (23%), արտաքինի և հոբբիի մասին տեղեկությունները (22-ական %): Ավելի շատ են հանդիպում իրենց սեռը, երաժշտական և գեղարվեստական հակումները (17-ական %), բնակության վայրը, զբաղեցրած պաշտոնն ու աշխատանքի վայրը, գնումներն ու ծառայությունները (15-ական %), մասնագիտությունը, սեռական հարաբերությունները (14-ական %), եկամուտները, քաղաքացիությունը (13-ական %) նշողները:
Ավելի տարածված են այն դեպքերը, երբ սոցիալական ցանցերի և բլոգների օգտատերերը սխալ տեղեկություն են տալիս իրենց քաղաքական և կրոնական պատկանելությունը մասին (11% և 10% համապատասխանաբար):