Ըստ Պարույր Հայրիկյանի՝ փետրվարի 18-ը նշանակալից օր է հայ ժողովրդի համար: Առաջին անգամ 1921 թվականին այդ օրը հայ ժողովուրդը հաղթանակ տարավ կոմունիստական կայսրության դեմ: 1988 թվականի փետրվարի 18-ին էր, որ սկսվեց հայ ժողովրդի ինքնորոշման շարժումը:
Այս պատճառները հաշվի առնելով՝ Հայրիկյանը կոչ է անում փետրվարի 18-ը նշել որպես ազատության օր: Նա անդրադարձավ նաև կոալիցիոն ուժերի երեկվա հայտարարությանը:
«Ես ազգային շահերից բխող ոչ մի նպատակ չտեսա կնքված համաձայնագրում»,- ասաց Հայրիկյանը:
«Բարեկիրթ երկրներում ուժերը ռազմավարական նպատակով են միավորվում: Կնքված համաձայնագիրը բառերի կույտ էր և ոչ մի դրական նպատակ չէր պարունակում»,- նշեց նա:
Այսօր՝ ժամը 14-00-ին, ԱԻՄ-ը կորոշի, թե ինչ կերպով է մասնակցելու խորհրդարանական ընտրություններին:
