Թուրքական Zaman թերթի փոխանցմամբ՝ Թուրքիայի էներգետիկայի նախարար Թաներ Յըլդըզը հայտարարել է, որ Քրդական ինքնավարության հետ նավթային համագործակցության ժամանակ Թուրքիան «հաշվի է առնում» Իրաքի շահերը և չի ձեռնարկի որևէ միջոց, որը կանհանգստացնի Իրաքի կենտրոնական կառավարությանը.
«Քրդական ինքնավարության հետ էներգետիկայի ոլորտում համագործակցելը համաձայնեցվելու է կենտրոնական կառավարության հետ: Մենք Բաղդադի շահերին հակասող քայլեր չենք ձեռնարկի: Թուրքական TPAO ընկերությունը նախագծեր է իրականացնում Իրաքի հարավում, որոնք գնահատվում են 5 միլիարդ դոլար»:
Ավելի վաղ Իրաքի նավթարդյունաբերության նախարարության պաշտոնական ներկայացուցիչ Ասըմ Ջիհադը հայտարարել է, որ Բաղդադը պատժամիջոցներ կսահմանի թուրքական այն ընկերությունների դեմ, որոնք նավթագազային համաձայնագիր կկնքեն Քրդական կառավարության հետ՝ առանց կենտրոնական կառավարության համապատասխան թույլտվության:
