Glendale News-Press-ը հաղորդում է, որ երկու հայ տղամարդ ձերբակալվել է սպանության համար:
Զարեհ Մանջիկյանը և Վահագն Ջուրյանը ուրբաթ մեղավոր են ճանաչվել Հոլիվուդի հյուսիսում 19-ամյա Գոմբերթ (Մայք) Եփրեմյանի դեմ մահափորձ ծրագրելու և սպանության մեղադրանքով:
Մյուս երկու մեղադրյալները` Հովիկ Ջուրյանը և Խաթուն Վարդանյանը, ձերբակալվել են հանցավոր ծրագրին մասնակցելու մեղադրանքով:
Իշխանությունների տեղեկատվության համաձայն` այս չորսը ծրագրել են սպանել Եփրեմյանին այն բանից հետո, երբ նա ընկերուհուն գրած sms հաղորդագրության մեջ վիրավորել է Վարդանյանին: Վերջինս, կարդալով հաղորդագրությունը, զանգել է աղջկա եղբորը` խնդրելով ծեծել հաղորդագրությունն ուղարկողին:
Շուտով Եփրեմյանը սպառնալի զանգեր է ստանում անհայտ անձից, որը նրան խնդրում է հանդիպել Sears կայանատեղիում` Հյուսիսային Հոլիվուդում: Եփրեմյանը իր մի քանի ընկերների հետ գնում է այնտեղ մեքենան կայանելու, որտեղ, ըստ իշխանությունների, բախվում է Մանժիկյանի և Ջուրյանի հետ:
Հայտնի է նաև, որ Ջուրյանը խփել է 19-ամյա երիտասարդին, իսկ Մանջիկյանը հանել է ատրճանակը և կրակել նրա գլխին:
