Օգոստոսի 1-ին Վարշավայի ազգային մարզադաշտում MDNA համերգային շրջագայության շրջանակներում տեղի է ունեցել Մադոննայի համերգը: Երգչուհին երկրորդ անգամ էր համերգ ունենում Լեհաստանում, սակայն այն աղմկահարույց սկանդալների թեմա էր դարձել լեհերի համար, քանի որ համերգի օրը համընկել էր Վարշավայի ապստամբության 68-րդ տարելիցին:
Տեղեկացնենք, որ կաթոլիկական կազմակերպությունները պահանջում էին, որ փոփ երգչուհու այդ օրվա համերգը չեղյալ հայտարարվի կամ տեղափոխվի մեկ ուրիշ օր: Բայց երբ հասկանալի դարձավ, որ բողոքի ակցիաները չեն օգնել, և համերգը կայանալու է, կոչ արեցին քաղաքացիներին` արհամարհել շոուն ու այդ օրը մնալ տանը: Որպես կոմպրոմիսային տարբերակ որոշվեց, որ Մադոննայի համերգը սկսվելու է կարճ ֆիլմով, որտեղ Վարշավայի ապստամբության փաստագրական կադրերին փոխարինելու են ժամանակակից Վարշավայի կադրերը: Այս տեսաշարի առաջարկությունը հանդիսատեսը ոգևորությամբ ընդունեց:
Ակնհայտ է, որ, որպես լեհերի հանդեպ հարգանքի նշան, որոնք նշում են ցավալի իրադարձության ամսաթիվը, Մադոննան հրաժարվել է մերկապարից: Համենայն դեպս, լրատվամիջոցները չեն նշում որևէ խոսք, որ երգչուհին փորձել է դեն նետել իր արտահագուստը և բեմում մնալ միայն ներքանազգեստով:
Հիշեցնենք, որ Վարշավայի հականացիստական ապստամբությունը տեղի է ունեցել 1944 թ. օգոստոսի 1-ին բանակի ղեկավարության և աքսորավայրում գտնվող լեհական իշխանությունների միջոցով: Համարվում է, որ դեպքերի հետևանքով այդ ժամանակ զոհվել է 16 հազար լեհական ընդդիմադիր, 6000-ը ծանր վիրավորվել է, պատժիչ խմբերում սպանվել է 150-200 հազար խաղաղ բնակիչ, փողոցային կռիվների հետևանքով վերացել է Վարշավայի բնակֆոնդի 25 %-ը:
Տեցեկացնենք, որ հուլիսի 26-ին Մադոննայի փարիզյան երկրորդ համերգը, որ նախատեսված էր «Օլիմպիա» համերգասրահում, ուղեկցվել է սուլոցներով: Այն սկսվել է կես ժամ ուշացումով, ինչը լիովին բավարար էր, որպեսզի հանդիսատեսն իրեն վիրավորված զգա: Ապա հայտնվել է Մադոննան:
Լրագրող վերլուծաբաներից մեկը, որը նաև Մադոննայի երկպագուն է, նշում է, որ «եթե հանեք 10 րոպե տևած զվարճալի խոսակցությունները Ֆրանսիայի հանդուրժողականության մասին, տեսանյութը, նախնական շոուն, մերկապարը, ապա շատ քիչ ժամանակ է մնում երգչուհուն երգելու համար»:
Մադոննան համերգի ժամանակ կատարել է 5 երգ: Համերգը տևել է 45 րոպե: Իրեն արհամարհված համարող հանդիսատեսը սկսել է սուլել, բեմ նետել շշեր և գոռալ` «վերադարձրե՛ք մեր փողերը», «անբարոյակա՛ն»:
Սա Մադոննայի փարիզյան համերգի միակ սկանդալը չէ. Ֆրանսիայի ուլտրաաջ կուսակցության` «Ազգային ճակատի», ղեկավարը որոշել է Մադոննային դատի տալ տեսանյութի համար: Մինչ երգչուհին կատարում էր Nobody knows me երգը, նրա հետևում ցուցադրվող տեսնյութում մեկը մյուսի հետևից հայտնվում էին Հիտլերի, Մուբարաքի, Հռոմի Պապ Բենեդիկտոս 16-րդի, ինչպես նաև Մարին լը Պենի դիմանկարները: Ընդ որում` վերջինիս դեմքին ձևավորվում էր սվաստիկայի պատկերը:
«Ազգային ճակատը» այս տեսահոլովակում լը Պենին վիրավորելու համար եկող շաբաթ դատի է տալու Մադոննային:
Սա ամերիկյան երգչուհու համերգի ժամանակ նմանատիպ տեսահոլովակի ցուցադրության առաջիմ դեպքը չէ: 2006 թ. իր համերգներից մեկի ժամանակ նա ցուցադրել է Մարին լը Պենի հոր` «Ազգային ճակատի» առաջնորդ Ժան-Մարի լը Պենի դիմանկարը, որը էկրանին է հայտնվել Իրաքի առաջնորդ Սադամ Հուսեյնի և այն ժամանակ թիվ 1 ահաբեկիչ համարվող Ուսամա բեն Լադենի կողքին: