Հայտնի է, որ ՌԴ նախագահ Պուտինն օգոստոսի 8-ին Սերժ Սարգսյանին Մոսկվա է հրավիրել: Այցի հրավերն ինքնին անսպասելի էր. Սերժ Սարգսյանն այս այցի համար իր արձակուրդը պետք է փչացնի: «Առաջին լրատվական»-ի հետ զրույցում այս մասին ասաց «Քաղաքական ու միջազգային հետազոտությունների հայկական կենտրոնի» փորձագետ Ռուբեն Մեհրաբյանը` վերլուծելով այցի նշանակությունն ու որոշ հարցերի հնարավոր բարձրացումը:
Ըստ փորձագետիʽ հաշվի առնելով վերջին ամսիների Հայաստան- ԵՄ մերձեցումըʽ Ռուսաստանը պարտադրում է Հայաստանին ընտրություն կատարել ԵվրԱզԷս-ի և ԵՄ-ի միջև, ընդ որում, պարտադրում է այնպիսի եղանակով, որ այդ առաջարկությունը մերժելը Հայաստանի համար կդառնա անհնարին, քանի որ Ռուսաստանն օգտագործում է ճնշման բոլոր եղանակները, այն, ինչ հասու է Ռուսաստանին:
Ռուբեն Մեհրաբյանի կարծիքով` Հայաստանի ղեկավարությանը նետված է լրջագույն մարտահրավեր, որը շրջանցելու տարբերակ չի երևում:
«Այն խսակցությունները, որոնք տարվում են հայաստանյան քաղաքական մի շարք ուժերի կողմից, թե հնարավոր է համատեղել, թեʼ ԵՄ մերձեցումը, թեʼ պուտինյան միության տարբեր մերձեցումները, Ուկարինայի փորձը ցույց տվեց, որ հնարավոր չէ: ԵՄ-ն ունի իր հստակ օրենքները, որոնք չեն տարածվում ԵՄ-ից դուրս: Եթե խոսում ենք Հայաստանի ԵՄ ասոցացման մասին, որի հետ կապված ներկայումս գնում են այդ բանակցությունները, պետք է ստասնդարտից անցնի հայաստանյան օրենսդրությունը հենց այդ եվրոպական ստանդարտներին: Իսկ ԵվրԱզԷս-ին անդամակցելը Հայաստանին դուրս կդնի եվրոպական ուղուց: Դա անհնարին է, ով ասում է հակառակը հանրությանը միտումնավոր գցում է մոլորության մեջ: Շրջանցել հնարավոր չէ»,- մեկնաբանեց Ռուբեն Մեհրաբյանը` շարունակելով, որ պետք է ընտրություն կատարել: Նրա խոսքով` եթե Հայաստանի ղեկավարությունն իսկապես մտադիր է ընթանալ և երկիրը տանել եվրոպական ճանապարհով, միակ դաշնակիցը, որն ունի, Հայաստանի հանրությունն է, Հայաստանի քաղաքացիական հասարակությունը, որի վրա հենվելով է հնարավոր լինելու այդ եվրոպական ուղով ընթանալ, հակառակ դեպքում, կարելի է փաստել հետևյալը, որ 2008 թվականից սկսած, ինչ Սերժ Սարգսյանը զբաղեցնում է ՀՀ նախագահի պաշտոնը, ցանկացած խոսակցություն Եվրոպայի և Արևմուտքի հետ մերձենալու, ժողովրդավարության, սուտ է, իմիտացիա և անլուրջ հայտարարություն:
Հարցին, թե ի՞նչ ընտրություն կլինի, այնուամենայնիվ, պատասխանեց, որ դժվար է կանխատեսել, թե ինչ որոշում կընդունի Սերժ- Սարգսյանը, որովհետև որոշում ընդունողը մնում և մնալու է Սերժ Սարգսյանը, որովհետև նա է ընտրության գլխավոր քաղաքական պատասխանատուն:
