Աֆղանստանի Բադղիս մարզում ՆԱՏՕ-ի ռազմական շարասյան վրա «Թալիբան» շարժման զինյալների հարձակման հետևանքով վիրավորվել է իտալական կոնտինգենտի 3 զինծառայող: Այս մասին հաղորդում է RIA Novosti-ն՝ վկայակոչելով ISAF-ի մամուլի ծառայությունը:
Գնդապետ Ֆրանցիսկոյի խոսքերով՝ դեպքը տեղի է ունեցել ուրբաթ օրը` Բալամուրղաբ շրջանում, երբ իտալացի զինվորները գնում էին օգնելու լուրջ ճանապարհատրանսպորտաին պատահարի մեջ հայտնված ամերիկացի զինվորներին: Ճանապարհին նրանց շարասյունը շրջափակման մեջ է հայտնվել. գրոհայինները զինվորների վրա կրակ են բացել նռնականետերից: Արդյունքում 3 զինվոր վիրավորվել է, նրանք ուղղաթիռով տեղափոխվել են հիվանդանոց:
Աֆղանստանում իտալական կոնտինգենտի թիվը հասնում է 3800-ի: Այստեղ ռազմական գործողությունների ընթացքում զոհվել է 47 զինվոր և սպա: Ընդհանուր առմամբ տարվա սկզբից այդ երկրում զոհվել է միջազգային կոնտինգենտի 272 զինվոր:
