ՀՀ վարչապետ Տիգրան Սարգսյանն այսօր աշխատանքային այցով Շիրակի մարզում էր: Նրա գլխավորած պատվիրակությունը, որի կազում էր նաև ՀՀ գյուղատնտեսության փոխնախարար Սամվել Գալստյանը, եղել է Գյումրու սելեկցիոն կայանում: Նրանք շրջել են սելեկցիոն դաշտերով, ուր արդեն հնձում էին Ռուսաստանի Դաշնությունից ներկրված էլիտար սերմացուից ստացված բերքը:
Ինչպես հայտնի է, կառավարության հատկացրած ցորենի էլիտար սերմացուն ծլունակ չի եղել: Սակայն սելեկցիոն կայանի աշխատակիցները վարչապետի հետ հանդիպմանը նշել են, որ գոհ են բերքի արդյունքներից: Վարչապետը սելեկցիոն կայանում անցկացրել է փոքրիկ խորհրդակցություն, որը լրատվամիջոցների համար փակ է եղել: Ապա արագ հեռացել է Շիրակի մարզից, առանց ներկա լրագրողների հարցերին պատասխանելու:
Նշենք, որ Շիրակի մարզ կատարած այցելության ժամանակ վարչապետ Տիգրան Սարգսյանն անգամ չի հանդիպել Գյումրու քաղաքապետ Վարդան Ղուկասյանի հետ:
