Google ընկերությունը անորոշ ժամկետով հետաձգել է Nexus Q գնդաձև մեդիանվագարկչի թողարկումը: Այս մասին տեղեկացնում է The Verge-ը և հավելում, որ այն աշխատում է Android օպերացիոն համակարգով:
Նվագարկիչը ներկայացվել էր Google I/O կոնֆերանսի ժամանակ՝ հունիսի վերջին: Google-ը Nexus Q էր բաժանել կոնֆերանսի մասնակիցներին և հունիսի 27-ից սկսել սարքի նախնական պատվերների ընդունումը:
Ներկայում պատվերների ընդունումը դադարեցվել է: Google-ի ինտերնետ-խանութում հաղորդվում է, որ Nexus Q-ն շուտով վաճառքում կլինի: Ժամկետներ չեն հաղորդվում:
Վաճառքի հետաձգումը ընկերությունը բացատրում է նվագարկիչը կատարելագործելու ցանկությամբ: Նրանք, ովքեր արդեն պատվիրել են նվագարկիչը, ներկայիս տարբերակը կստանան անվճար: Nexus Q-ն արժե 299 դոլար:
Նշենք, որ նվագարկիչը հնարավոր է ղեկավարել Android համակարգով՝ սմարթֆոնով և պլանշետով: Nexus Q-ն քննադատվեց բարձր գնի և սահմանափակ հնարավորությունների պատճառով:
