Իրանական Press TV լրատվական գործակալության փոխանցմամբ՝ Իրանի դեմ սահմանված Արևմուտքի պատժամիջոցները կաթվածահար են անում Ասիայի երկրների զարգացող տնտեսությունը: Այս մասին չինացի լրագրողների միության գլխավոր քարտուղարի հետ հանդիպման ժամանակ հայտարարել է Իրանի ԱԳՆ-ի պաշտոնական ներկայացուցիչ Ռամին Մեհմանպարաստը.
«Արևմուտքի նպատակներից մեկը Ասիայի երկրների զարգացող տնտեսությունների տնտեսական աճի խոչընդոտումն է, որպեսզի նրանք ի վիճակի չլինեն երկարատև հեռանկարում իրենց ապահովել էներգիայի աղբյուրներով այնպիսի երկրներից, ինչպիսին որ Իրանն է:
ԱՄՆ-ն մտահոգված է, որ Չինաստանն ու ասիական մի շարք երկրներ հաջողություններ են գրանցում, իսկ ԱՄՆ-ն գիտի, որ եթե այդ գործընթացը շարունակվի, ապա այնպիսի երկրները, ինչպիսիք են Չինաստանը, Հնդկաստանը և ասիական այլ երկրները, իրենց վերահսկողությունը կհաստատեն համաշխարհային տնտեսության վրա:
Իրանի դեմ պատժամիջոցների սահմանմամբ Արևմուտքը փորձում է ասիական երկրներին ստիպել էներգիայի սեփական կարիքները գոհացնել տարբեր մատակարարների հետ կարճաժամկետ պայմանագրերով, ինչի հետևանքով նրանց տնտեսությունն արգելակելու է»:
