Երեկ կայացած «Ռոմա»-«Շախտյոր» հանդիպումից հետո ուկրաինական հեղինակավոր football.ua ֆուտբոլային կայքն իր գնահատակններն է տվել Դոնեցկւ «Շախտյոր»-ի ֆուտբոլիստներին: Հայաստանի հավաքականի հարձակվողական ոճի կիսապաշտպան, Դոնեցկի «Շախտյոր»-ի հենակետային կիսապաշտպան Հենրիկ Մխիթարյանը 7 միավորով լավագույնների թվում է, նրանից բարձր գնահատվել է միայն Յարոսլավ Ռակիցկին` 7.5 միավոր:
Ահա թե ինչ են գրում ուկրաինական կայքում Հենրիկ Մխիթարյանի անվան դիմաց. «Հնարավոր է` Մխիթարյանն այս խաղում ավելի բարձր գնահատականի էր արժանի, բայց բաց թողած առաջին գոլում նրա մեղքն էլ կար: Մնացած առումներով երիտասարդ, արդեն հենակետայինի, ցուցադրած խաղն իդեալական էր: Նա կատարեց իր առջև դրված բոլոր խնդիրները: Ամենուր հասցնում էր, օգնեց և՛ պաշտպանությանը, և՛ հարձակմանը: Իսկ երկրորդ խաղակեսում նրա կատարած երկու հարվածները կարող էին որոշիչ լինել, բայց մի դեպքում հրաշալի խաղաց Դոնին, մյուս դեպքում գնդակն աննշան շեղությամբ անցավ դարպասաձողի կողքով»: