Լողի մարզիչների միջազգային միության գործադիր տնօրեն Ջոն Լեոնարդը բրիտանական The Guardian պարբերականին տված հարցազրույցում հայտարարեց, որ Օլիմպիական խաղերի լողի կանանց 400մ մրցման արդյունքները կասկածելի են։
Բանն այն է, որ մրցման վերջին 100մ-ը 16-ամյա չինուհի Շիվեն Յեն հաղթահարեց 58.6 վայրկյանում, որը գերազանցում է նույն մարզաձևի տղամարդկանց 100մ մրցումներում ԱՄՆ-ի ներկայացուցիչ, Օլիմպիական չեմպիոն Ռայան Լոխտեի ցուցանիշը։
«Ժամանակը ցույց է տալիս, որ այն արդյունքները, որոնք մենք անվանում ենք «կասկածելի», հետագայում ապացուցվում են, որ գրանցվել են մարզիկի՝ դոպինի ազդեցության տակ լինելու արդյունքում։
Ես լողորդների հետ աշխատելու մեծ փորձ ունեմ և գիտեմ, որ «սուպերկանայք» իրենց արդյունքներին հասնում են խթանիչների օգնությամբ։ Չեմ զարմանում Չինաստանի մարզուհու հաջողություններով»,- հայտարարել է Լեոնարդը։