Ավտովթար` Գեղարքունիքի մարզում. ԼՂՀ և ՌԴ 5 քաղաքացիներ տեղափոխվել են հիվանդանոց (լուսանկարներ)

Այսօր` հուլիսի 29-ին, ավտովթար է տեղի ունեցել Գեղարքունիքի մարզում: Ժամը 15.30-ի սահմաններում Մարտունի-Վարդենիս ավտոճանապարհի 15-րդ կմ-ի հատվածում իրար են բախվել Վարդենիսի բնակիչ, 24-ամյա Արմեն Հովհաննիսյանի վարած «Օպել» մակնիշի 33 PS 456 համարանիշի և 38-ամյա Մամիկոն Մարկոսյանի վարած «ՎԱԶ 2106» մակնիշի 17 ՏԼ 648 համարանիշի ավտոմեքենաները: Ֆոտոլրագրող Գագիկ Շամշյանը News.armeniatv.com-ին հայտնել է, որ վթարի հետևանքով Մարտունու բժշկական կենտրոն են տեղափոխվել.

1.ԼՂՀ Քարվաճառի բնակիչ, 54-ամյա Ռեգա Մարկոսյանը` աջ ձեռքի տիպիկ տեղի կոտրվածք ախտորոշմամբ, 

 2.ՌԴ Մուրմանսկ քաղաքի բնակիչներ 13-ամյա Ռուդիկ Մարկոսյանը` ձախ ազդրի կոտրվածքով և ճակատային հատվածի հեմատոմայով, 

 3.16-ամյա Գրետա Մարկոսյանը` գանգուղեղային տրավմայով, ուղեղի ցնցումով, 

 4.37-ամյա Աննա Խաթայանը` ստորին շրթունքի պատռվածք-վերքով,

5. «Օպելի» վարորդը` Մ.Մարկոսյանը` աջ ոտքի սրունք-թաթային հոդի կոտրվածքով, աջ ծնկի պատռվածք-վերքով և ձախ սրունքի նիտրալ հատվածի կոտրվածքով: 

Դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի աշխատակիցները` հրամանատար Սերգեյ Հակոբյանի, տեղակալ Կարեն Մատինյանի գլխավորությամբ:

 Փաստի առթիվ Ոստիկանության քննչական գլխավոր վարչության Գեղարքունիքի մարզի քննչական բաժնի Մարտունու քննչական բաժանմունքում նյութեր են նախապատրաստվում: