Ռուսաստանի մայրաքաղաք Մոսկվայում ընթացող Aeroflot Open հեղինակավոր մրցաշարի C խմբի վերջին տուրում Դավիթ Շահինյանը պարտության մատնեց Արթուր Ղարագյոզյանին և 9 հնարավորից վաստակելով 8 միավոր` հռչակվեց մրցաշարի չեմպիոն:
Արթուր Ղարագյոզյանը 6.5 միավորով զբաղեցրեց պատվավոր չորրորդ հորիզոնականը: Տիգրան Սիմոնյանն առավելության հասավ Վարվարա Ռեպինայի նկատմամբ և 7.5 միավորով գրավեց երկրորդ տեղը:
Երրորդ հորիզոնականում նույնպես հայազգի շախմատիստ է, բայց 7 միավոր վաստակած Էդուարդ Բարսամյանը հանդես էր գալիս Ռուսաստանի դրոշի տակ:
Մրցաշարային աղյուսակի առաջին տասնյակն ունի հետևյալ տեսքը.
1.Դավիթ Շահինյան 8 մ. Հայաստան
2.Տիգրան Սիմոնյան 7.5 մ. Հայաստան
3.Էդուարդ Բարսամյան 7 մ. Ռուսաստան
4.Արթուր Ղարագյոզյան 6.5 մ. Հայաստան
5.Բոգդան Բելյակով 6.5 մ. Ռուսաստան
6.Սարգիս Մանուկյան 6.5 մ. Հայաստան
7.Վալերի Արտամոնով 6.5 մ. Ռուսաստան
8.Նիկոլայ Օռլով 6.5 մ. Ռուսաստան
9.Վարդան Խոջայան 6 մ. Հայաստան
10.Աննա Բուրտասովա 6 մ. Ռուսաստան
