Քիչ առաջ ավարտվեց ՀՀԿ խորհրդի նիստը:
Նիստի ընթացքում քննարկվել է կոալիցիոն հայտարությունը և վաղը կամ մինչև շաբաթվա վերջ այն կստորագրվի: Այս մասին «Առաջին լրատվականի» հետ զրույցում տեղեկացրեց ԱԺ ՀՀԿ խմբակցության անդամ Հովհաննես Սահակյանը:
Նա հստակ ժամկետ չնշեց, բայց վստահեցրեց, որ մինչև շաբաթվա վերջ կոալիցիոն հայտարարությունը անպայման կստորագրվի:
Սահակյանը նշեց, որ պարզապես քննարկվել է հայտարարության տեքստը և հայտարարության տեքստի հետ կապված տարաձայնություններ ՀՀԿ-ի ու ԲՀԿ-ի միջև չկան:
Նշենք, որ կոալիցիոն կուսակցությունները պետք է համատեղ հայտարարություն ստորագրեն, որտեղ նշեն, թե արդյոք սատարելու են Սերժ Սարգսյանին թեկնածությունը 2013 թ. նախագահական ընտրություններում:
Սահակյանից հետաքրքրվեցինք, թե արդյոք հայտարարության տեքստում նշվա՞ծ է Սերժ Սարգսյանի անունը, թե՞ ձևակերպումն ընդհանրական է` «միասնական թեկնածու», հանրապետական գործիչը պատասխանեց. «Ամեն ինչ լավ է»: