Այն բանից հետո, երբ լիբանանցի ձյուդոիստները հրաժարվել են մարզվել իսրայելցի մարզիկների հետ, Օլիմպիական խաղերի կազմակերպիչները մարզադահլիճը բաժանել են հատուկ էկրանով: Այս մասին հայտարարել է Իսրայելի օլիմպիական հավաքականի մարզիչ Նիտցան Ֆերարոն:
Ինչպես հաղորդում է ITAR-TASS-ը, դեպքը տեղի է ունեցել այն բանից հետո, երբ երկու լիբանանցի ձյուդոիստներ նկատել են, որ իրենց կողքին մարզվում են 5 իսրայելցիներ:
Լիբանանի ազգային օլիմպիական կոմիտեն հրաժարվել է մեկնաբանություններից:
Իսրայելի հավաքականի ներկայացուցչի խոսքերով` միջադեպն իրենց համար մեծ նշանակություն չունի: «Մենք չենք խառնում սպորտը և քաղաքականությունը»,- ասել է նա:
