Մինչև փետրվարի 22-ը ընդունվում են հայտեր «Արատտա» ակումբի կազմակերպած «Անձրևի հարս» խորագիրը կրող հայկական ծիսական տիկնիկների ցուցահանդես-մրցույթին մասնակցելու համար:
Կազմակերպիչները հիշեցնում են, որ տիկնիկների մեջ է խտացվել են հայկական մշակույթի ամենագեղեցիկ ու խորհրդավոր արժեքները, ուստի դրանք չպետք է մոռացության մատնել: Ժողովուրդը նրանց օժտել է մոգական ուժով, չարը խափանող, վտանգից ու չարից զերծ պահող հատկություններով: Տիկնիկների միջոցով ձգտել են ապահովել բերք ու բարիքի առատությունը, պտղաբերությունը, արգասաբերությունը, ընտանեկան և անձնական հաջողությունները:
Անցկացվող մրցույթի նպատակն է մեռացվածությունից փրկել նախկինում հայ կենցաղի անբաժան մաս կազմող Թերափ, Նուրի, Խուճկուլուլուն և այլ տիկնիկները:
Մրցույթին մասնակցել կարող են նրանք, ովքեր յուրահատուկ կերպով կներկայացնեն հայկական ծիսական տիկնիկները` հավատարիմ մնալով մեր մշակույթի այս արժեքի բուն էությանն ու ծիսական խորհրդին: Մրցույթին մասնակցելու համար ընդունվում են աշխատանքներ` առանց ժանրային սահմանափակման` նկարչություն, քանդակագործություն, հուլունքագործություն,տիկնիկագործություն, ասեղնագործություն, գոբելեն և այլն: Հաղթող ճանաչված 3 մասնակիցները կստանան 40, 30 և 20 հազար դրամական պարգևներ: