Աստղագետները մերձակա տիեզերքում հայտնաբերել են 18 աստղ, որոնք կարող են վտանգ ներկայացնել Արեգակնային համակարգի համար: Գիտնականներն իրենց եզրակացությունների մասին զեկուցել են Ամերիկյան տիեզերական միության 217-րդ խորհրդաժողովի ժամանակ: Նրանց զեկույցից կրճատ մի հատված բերված է Space.com կայքում:
Մասնագետները վերլուծության են ենթարկել սպեկտրալ M դասի 40 հազար կարմիր գաճաճների մասին տվյալները (բոլոր լուսատուների 70%-ը պատկանում է հենց այս դասին): Տարբեր տեղեկությունների հիման վրա նրանք կարողացել են պարզել այս օբյեկտների տեղաշարժը մոտակա միլիարդավոր տարիների ընթացքում:
Պարզվել է, որ այս օբյեկտներից 18-ի համար Արեգակնային համակարգին մոտենալու հավանականությունը համեմատաբար մեծ է: Նրանցից որևէ մեկը չի բախվելու Արեգակին. հավանական է, որ այս օբյեկտները կարող են ապակայունացնել Օորտայի ամպը, որը գիսաստղերի մեծ քանակի աղբյուր է: Օորտայի ամպը գտնվում է Արեգակից 50 հազարից մինչև 100 հազար տիեզերական (մեկ տիեզերականը համապատասխանում է Արեգակից Երկիր մոլորակ ընկած տարածությանը) տարի հեռավորության վրա, այնուամենայնիվ, «վտանգավոր» աստղերի տիեզերական ձգողականությունը կարող է հանգեցնել նրան, որ Արեգակնային համակարգի մոլորակները ենթարկվեն գիսաստղերի ռմբակոծմանը: