ԱՄՆ-ի Ռոդ Այլենդ նահանգում օրինականացվել են միասեռ ամուսնությունները

18:52 | 2013-04-25 | Աշխարհ | ԱՄՆ |
Լրահոս
Ռոդ Այլենդ նահանգում օրինականացրել են միասեռ ամուսնությունները՝ հաղորդում է The Wall Street Journal-ը:

Փաստաթուղթը երեկ հավանության է արժանացել՝ 26 կողմ ու 12 դեմ ձայների հարաբերակցությամբ:

Օրինագիծը թույլ է տալիս միասեռ զույգերին, որոնք գրանցել են քաղաքացիական միություն (նահանգում նման հնարավորություն կար դեռ 2011թ.-ից), հարաբերությունները գրանցել որպես պաշտոնական ամուսնություն:

Ներկայում փաստաթուղթը պետք է վերադառնա օրենսդրական մարմնի ստորին պալատ՝ երկրորդ վերջնական ընթերցման. առաջին ընթերցմամբ այն արդեն հունվարին ընդունվել է:

Մոտ ժամանակներս նախագիծը կուղարկվի նահանգապետ Լինկոլն Չեհֆին՝ ստորագրելու, ով արդեն հայտարարել է օրենքին աջակցելու մասին:

Ենթադրվում է, որ օրենքը ուժի մեջ կմտնի օգոստոսի 1-ից՝ հայտնում է Associated Press-ը:

Եթե նահանգապետը ստորագրի փաստաթուղթը, ապա Ռոդ Այլենդը կդառնա ԱՄՆ 10-րդ նահանգը, որտեղ կթույլատրվեն միասեռ ամուսնությունները:
Հարգելի՛ ընթերցողներ, ստորև կարող եք գրել նյութին առնչվող մեկնաբանություններ` օգտագործելով Ձեր ֆեյսբուքյան հաշիվը: Խնդրում ենք հաշվի առնել, որ սա հանրային հարթակ է և զերծ մնալ ոչ նորմատիվ բառապաշարի օգտագործումից: Արգելվում են նաև թեմայի հետ կապ չունեցող մեկնաբանություններն ու գովազդային նյութերի տեղադրումը:


Ամենաընթերցվածները