Ամենաընթերցվածները

Հարբած ռուսներն իրենց օդանավից դուրս հրավիրել ցանկացող ոստիկաններին ծեծել են

Ոչ սթափ ռուսները, ովքեր հրաժարվել են լքել օդանավը փարիզյան «Ռուասսի» օդանավակայանում, դիմադրություն են ցույց տվել ոստիկաններին, ինչի արդյունքում երկու ոստիկանները ստացել են վնասվածքներ։ Այս մասին հաղորդում է Figaro թերթի կայքը:

Պարզվել է, որ ինքնաթիռի անձնակազմը, որը պատրաստվում էր մեկնել Ռիո դե Ժանեյրո, չորեքշաբթի երեկոյան նկատել է, որ երկու ուղևորներ` տղամարդ և կին, այնքան հարբած են, որ թռիչքի ժամանակ կարող են վտանգ ներկայացնել: Այդ ուղևորները Ռուսաստանի քաղաքացիներ են եղել:

Ռուսները կտրականապես հրաժարվել են դուրս գալ ինքնաթիռից և այդ ժամանակ անձնակազմը ստիպված է եղել ոստիկանություն կանչել: Սակայն ոստիկանների հայտնվելը նրանց չի շփոթեցրել, ռուսները սկսել են դիմադրություն ցույց տալ օրենքի ներկայացուցիչներին: Արդյունքում ոստիկանության երկու աշխատակիցները վնասվածքներ են ստացել:

Ոչ սթափ ուղևորները ձերբակալվել են: Սպասվում է, որ նրանց կմեղադրեն ոստիկանների վրա հարձակվելու մեջ:

Թերթը միայն տեղեկացնում է, որ կինը 28 տարեկան է, իսկ տղամարդը` 30:

23:01 Ռուսաստան | Չորեքշաբթի 22.02.2012