Ամենաընթերցվածները

«Եթե գիտականորեն ապացուցվի Հայոց ցեղասպանության եղելությունը, Թուրքիան ներողություն կխնդրի դրա համար». Էգեմեն Բաղըշ

Թուրքական Anadolu գործակալության փոխանցմամբ՝ Եվրամիության հարցերով պետնախարար, ԵՄ-ին Թուրքիայի անդամակցության գծով գլխավոր բանագնաց Էգեմեն Բաղըշը «Ալ-Ջազիրա» հեռուստատեսության Talk to Al Jazeera հաղորդման ժամանակ անդրադարձել է Հայոց ցեղասպանության ճանաչման խնդրին:

Հաղորդման ժամանակ Բաղըշին հարցրել են, թե արդյոք Թուրքիան հետագայում ներողություն կխնդրի՞ 1915 թվականին իրականացրած Հայոց ցեղասպանության համար, ինչին ի պատասխան՝ Բաղըշը նշել է.

«Եթե դա միաբերան պատմականորեն և գիտականորեն ապացուցվի, ապա ինչո՞ւ ոչ: Ո՞ր ազգի պատմության մասին կարող ենք 100 տոկոսով խոսել: Ամեն ազգ ունի պատմության մութ ժամանակաշրջան: Մեր գիտնականներն ուսումնասիրել են մեր արխիվները և եկել են այն եզրակացության, որ ցեղասպանություն չի եղել:

Ոմանք ասում են, թե 1915 թվականին մահացել է 1.5 միլիոն հայ: Մինչդեռ տվյալ հարցով զբաղվով և գիրք հրատարակած Ջասթին Մաքքարթին կարծում է, որ այդ ժամանակ զոհվել է 650,000 հայ: Միևնույն ժամանակ սպանվել է 2 միլիոն մուսուլման: Սա Առաջին համաշխարհային պատերազմի ժամանակ գրանցված ներքին պատերազմ է: Ոմանց համար այն ցեղասպանություն է, իսկ ոմանց համար՝ ոչ»:

12:20 Թուրքիա | Երկուշաբթի 06.02.2012