Ամենաընթերցվածները

«Արաբական գարունը կտապալի Ռուսաստանի գործող իշխանություններին». Սաակաշվիլի

Ամերիկյան Foreign Policy պարբերականի կայքի The Cable բլոգին տված հարցազրույցի ժամանակ Վրաստանի նախագահ Միխեիլ Սաակաշվիլին հայտարարել է, որ «Արաբական գարունը» կտապալի Ռուսաստանի գործող իշխանություններին.

«Ռուսաստանի կառավարությունն ընթանում է այն նույն ճանապարհով, ինչ որ Մուբարաքի ու Քադաֆիի ռեժիմները: Ռուսաստանին սպասվում է իշխանափոխություն: Ռուսաստանը ոչ միայն ուշադրություն չի դարձնում իր քաղաքացիների ձգտումներին, այլև գլխավորում է ժողովրդական հեղափոխություններին դիմադրելու գործընթացը:

Դրա վառ օրինակը Ասադի դաժան ռեժիմին աջակցելն է: Ռուսական կողմը կարծում է, որ եթե Սիրիան ընկնի, ապա հերթը կհասնի Մոսկվային: Սակայն Ռուսաստանի այդ դիրքորոշումը ոչնչով չի օգնի Սիրիային և կվնասի Ռուսաստանին: Մինչդեռ Թուրքիան հակառակ դիրքորոշումն է որդեգրել, ինչի արդյունքում Ռուսաստանի ազդեցությունը տարածաշրջանում նվազում է, իսկ Թուրքիայինը՝ ամրագրվում:

Ռուսաստանը ճկունություն ցուցաբերեց միայն Առևտրի համաշխարհային կազմակերպությանն (ԱՀԿ) անդամակցելիս, ինչից հետո վերադարձավ իր հակամարտային դիրքորոշմանը և սկսեց լուրեր տարածել, իբրև թե ԱՄՆ-ը պլանավորել է հակահրթիռային պաշտպանության համակարգի տարրեր տեղակայել Վրաստանում: Դա այդպես չէ»:

12:42 Վրաստան | Երկուշաբթի 06.02.2012