Այսօր լրագրողների հետ հանդիպման ժամանակ Հայաստանի և Վրաստանի վարչապետները նշեցին, որ քննարկվել են երկկողմ հետաքրքրություն ներկայացնող բազմաթիվ հարցեր, այդ թվում՝ սահմանի ընդհանուր վարման հետ կապված հարցը:
Վրաստանի վարչապետ Նիկոլոզ Գիլաուրին նշեց, որ 2010 թվականի հունիսի 2-ից իրենք Թուրքիայի հետ սահմանը վարում են ընդհանուր կարգով, և այդ փորձը օգտակար կլինի Հայաստանի և Վրաստանի պարագայում:
Իսկ Տիգրան Սարգսյանը, նշելով, որ Հայաստանում ԱՊՊԱ-ի կիրառումը և Վրաստանում բեռնատարների նկատմամբ ճանապարհային հարկերի սահմանումը որոշակի խնդիրներ են առաջացրել, հայտարարեց, որ ձեռք է բերվել պայմանավորվածություն երկկողմ ուղևորների դեպքում անհարմարությունը նվազագույնի հասցնելու համար այնպես, որ ֆինանսական պարտավորությունները երկկողմանիորեն պահպանվեն: