«Ռոսգոսստրախ-Արմենիա» ապահովագրական ընկերությունը այսօրվա դրությամբ կնքել է ավելի քան 120 հազար ԱՊՊԱ պայմանագիր:
Նախնական գնահատականներով, «Ռոսգոսստրախ-Արմենիա»-ի` շուկայի մասնաբաժինը կազմում է մոտ 31 տոկոս»,-այս մասին այսօր հայտարարեց ընկերության փոխնախագահ Ռաֆայել Մինասբեկյանը:
Նշենք, որ շուկայի մասնաբաժնով այս ընկերությունը փաստորեն առաջատարն է:
«Կարելի է արձանագրել, որ Հայաստանում ԱՊՊԱ-ի մասին օրենքի կատարման առաջին փուլը ավարտված է հաջողությամբ, օրենքի գործելու առաջին ամսվա ընթացքում ապահովագրական ծածկույթով ապահովվել են ավտոսեփականատերերի 80 տոկոսը:
Մենք գոհ ենք մեր ընկերության կողմից ձեռք բերված շուկայի մասնաբաժնով և այժմ մեզ համար ռազմավարական գերակայություն է հայտերի կարգավորման համակարգի կատարելագործումը և ամենաբարձրորակ ծառայությունների տրամադրումը»,-ասաց «Ռոսգոսստրախ-Արմենիա» ընկերության փոխնախագահ Մինասբեկյանը: