«Ռուսաստանի եւ Ադրբեջանի միջեւ ռազմավարական գործընկերությունը Կովկասում կայունության գրավականն է այնպիսի բարդ եւ միջազգային հանրության համար կարեւոր մի տարածաշրջանում, ինչպիսին է Կովկասը»,- այսօր Բաքվում հայտարարել է Ռուսաստանի նախագահի աշխատակազմի վարչության ղեկավար Սերգեյ Վինոկուրովը: Ըստ ադրբեջանական Trend գործակալության` ռուսաստանցի բարձրաստիճան պաշտոնյան նշել է, որ ռուս-ադրբեջանական հարաբերությունները, որից շատ բան է կախված Կովկասում, հիմնված են պատմական արմատների եւ երկու երկրների միջեւ մտերմության վրա: «Դրանք իրական ռազմավարակական գործընկերների հարաբերություններ են: Մենք դրական իմաստով միմյանցից կախվածության մեջ գտնող երկրներ ենք, եւ կախվածությունը կրկին ընդգծում է մեր հարաբերությունների ռազմավարական, գործընկերային բնույթը»,- հավաստիացրել է Սերգեյ Վինոկուրովը: