ԱՄՆ խոշորագույն Bank of America բանկը հաքերներ է վարձել` WikiLeaks սկանդալային կայքը վերացնելու համար: Այս մասին գրում է ռուսական Коммерсант-ը. տեղեկությունը հայտնել է HBGary Federal ընկերության ղեկավար Էրոն Բարը: Նա մասնագիտացած է ինտերնետ համայնքում այնպիսի տեղեկությունների հավաքագրմամբ, որոնցով հետաքրքրվում են ԱՄՆ կառավարությունը և հատուկ ծառայությունները:
Նա անցած տարի սկսել է տեղեկություններ հավաքել «Անոնիմ» խմբի անդամների վերաբերյալ, որի հաքերները անցած տարի Wikileaks-ի դեմ դուրս եկած MasterCard, Visa, PayPal և մի շարք կառավարությունների կայքեր ենթարկել էին հարձակման: Հետո Բարը սկսել է այդ մասին պատմել The Financial Times-ին, որը խուճապ է առաջացրել «Անոնիմ»-ի հաքերների շրջանում:
Վերջիններս անցել են հակահարձակման, որի արդյունքում Բարի կոտրած էջերում հայտնաբերել են տեղեկություններ նրա և Bank of America-ի միջև կապի մասին, ըստ որոնց` ամերիկյան ամենահայտնի բանկը գումարներ է ծախսել WikiLeaks կայքը հեղինակազրկելու, նրան տեղեկություններ տրամադրողներին պարզելու և լրագրողների վրա ճնշում գործադրելու համար: