ՌԴ պետդուման, ըստ ադրբեջանական Trend գործակալության, ողջունել է Աստրախանում ընդունված համատեղ հռչակագիրը` ԼՂ խնդրի վերաբերյալ. «Հռչակագիրը, որը փոխվստահության ամրապնդմանն ուղղված ազդանշան է, նաեւ ազդանշան է փոխզիջումների գնալու պատրաստակամության մասին, որպեսզի կանխվի հարաբերություններում լարման հնարավորությունը»,- հայտարարել է Պետդումայի արտաքին հարաբերությունների հանձնաժողովի նախագահի տեղակալ Լեոնիդ Սլուցկին: Նա հավելել է, Աստրախանի հանդիպումը մի փոքր առաջընթաց էր, որը փաստացի մեծ քաղաքական նշանակություն ունի. «Ես հուսով եմ, որ ԼՂ խնդրի կարգավորման հիմնարար սկզբունքները կհամաձայնեցվեն ԵԱՀԿ գագաթնաժողովից առաջ» :