Իսպանիայի Գիտա-հետազոտական պետական կենտրոնը հաճախ է ներկայացնում տարբեր համալսարանների, գիտական կենտրոնների, մշակութային կենտրոնների վարկանիշային հետազոտություններ: Կենտրոնը ստեղծել է Նոբելյան մրցանակակիր Ռամոն Կախալը 1907թ.: Հաշվարկը կատարվում է Webometrics համակարգով:
Այս անգամ կենտրոնը ներկայացրել է 2500 գիտական կենտրոնների վարկանիշային աղյուսակը, որտեղ ներառված են նաեւ ազգային ակադեմիաները: Ըստ այդ հետազոտության՝ Հայաստանի գիտությունների ազգային ակադեմիան զբաղեցնում է 878-րդ հորիզոնականը: Հարեւան Վրաստանի ակադեմիան զբաղեցնում է 964-րդ հորիզոնականը, Ադրբեջանինը 1012-րդ, Թուրքիայի գիտությունների ակադեմիան (TUBITAK) 145-րդ տեղում է: