Այս օրերին մեկնարկած «Եվրո-2012» Եվրոպայի ֆուտբոլի առաջնությունը ժամանակ առ ժամանակ հետաքրքրում է երգիչ Էմին Դավիդովին: Այս մասին «Առաջին լրատվական»-ի հետ զրույցում ասաց Էմին Դավիդովը` խոսելով իր սիրած հավաքականի մասին:
Նա նշեց, որ պատկերացում չունի, թե որ հավաքականներն են մասնակցում առաջնությանը, քանի որ ժամանակ առ ժամանակ է հետաքրքրվում ֆուտբոլով և սիրած ֆուտբոլիստ չունի:
«Իսպանիայի ազգային հավաքականին եմ երկրպագում, իսկ Հայաստանի ազգային հավաքականի խաղերին հետևում եմ: Չեմ գնում, չեմ նայում խաղերը մարզադաշտում, քանի որ խուսափում եմ մարդաշատ վայրերից: Ես կցանկանայի այս մրցաշարում երկրպագել մեր հավաքականին, քան Իսպանիային: Գոնե հայերը մերն են: Քանի որ Եվրոյում մերը չկա, Իսպանիային եմ երկրպագում»,- իր կարծիքը հայտնեց երգիչը:
Հարցին` ինչո՞ւ է խուսափում մարդաշատ վայրերից, պատասխանեց. «Բնականաբար, ինչքան ճանաչվածությունը շատ է, չնայած հետաքրքիր է այն, որ երկար ժամանակ դուրս չեմ գալիս եթեր, միևնույն է՝ ճանաչում են ու քննարկման օբյեկտ եմ դառնում, այդ պատճառով: Առանձնապես ցավոտ չեմ ընդունում դա, մեկուսացած չեմ, բայց նաև խուսափում եմ»:
Անդրադառնալով պասիվությանը իր մասնագիտական կարիերայում` ասաց, որ կարիերան Հայաստանում մի փոքր անիմաստ է, քանի որ տարածությունը փոքր է և մեծ նվաճումների հասնելուց հետո այդ նվաճումներն օգտագործելը շատ դժվար է: Ըստ նրա` մեծ նվաճումների հասնելուց հետո երգիչներին մնում է իրենց ճանաչվածությունը ու դրանից բխող բոլոր խնդիրները: Նախկինի նման ոգևորություն ինձ մոտ չկա: Ես կցանկանայի իմ դիրքի և տաղանդի համաձայն եկամուտներ ունենալ և վայելել իմ կյանքը»,- ասաց Էմին Դավիդովը: