Ինչպես հաղորդում է ռուսական Ведомости օրաթերթը, հինգշաբթի օրը պաշտոնապես կհայտարարվի Ռուբեն Վարդանյանի «Տրոյկա դիալոգ» ներդրումային ընկերության վաճառքի մասին: Հայտնի է, որ «Սբերբանկի» ղեկավար Գերման Գրեֆը և «Տրոյկայի» նախագահ Ռուբեն Վարդանյանը վերջինիսի ընկերությունը գնահատել են 1.25 մլրդ դոլար:
Սկզբում «Սբերբանկը» կգնի Վարդանյանի ընկերության 80%-ը: Այս մասին թերթին հայտնի է դարձել երկու ընկերություններում իր աղբյուրներից:
Գրեֆը նախ կգնի Standard Bank-ի մասնաբաժինը, որն այս պահին կազմում է 36.4%, ապա նաև Ռուբեն Վարդանյանի և մյուս բաժնետերերի ակցիաները` 43.6%: Գործարքից առաջ գնահատումն իրականացվել է 1.5 անգամ ավելի իրական կապիտալիզացիայից սկզբունքով:
Այսինքն՝ ընկերության իրական կապիտալիզացիան կազմում է 850-850 մլն դոլար: «Տրոյակայի» աշխատակիցները չեն հեռացվի իրենց պաշտոններից դեռ երկու տարի: Այս մասին էլ է ձեռք բերվել համաձայնություն:
Այն, որ Ռուբեն Վարդանյանը պատրաստվում է այս գործարքին, խոսվում էր դեռ անցած տարվանից, երբ մի քանի հրապարակումներ պնդում էին, որ նա անցնելու այլ գործունեության: Ասում էին նաև, որ նա միայն բարեգործությամբ է զբաղվելու: Վերջին անգամ «Տրոյկայի» վաճառքի մասին Վարդանյանը խոսել էր անցած շաբաթ Դավոսի տնտեսական համաժողովի ընթացքում` «Սբերբանկի» հետ գործարքը համարելով «Տրոյկայի» հետագա զարգացման տարբերակներից մեկը:
Լուսանկարը՝ PanArmenianPhoto-ի
