Հոկտեմբերի 26-ին տեղի է ունեցել Կենտրոնական բանկի խորհրդի նիստ, որը վարել է ԿԲ նախագահ Արթուր Ջավադյանը: Խորհուրդը հաստատել է «Ներդրումային ծառայություններ մատուցող անձանց հաճախորդների միջոցների պաշտպանության կանոնները» կանոնակարգ 4/12-ը, որը սահմանում է ներդրումային ծառայություններ մատուցող անձանց հաճախորդների ակտիվների պաշտպանության համար անհրաժեշտ հիմնական սկզբունքները: Մասնավորապես, այն նախատեսում է հաճախորդների ակտիվների առանձնացված հաշվառման և ներդրումային ծառայություններ մատուցող անձի ակտիվներից տարանջատման պահանջներ, ինչպես նաև երրորդ անձանց մոտ հաճախորդների դրամական միջոցները և/կամ արժեթղթերը պահելու դեպքում երրորդ անձանց ընտրության չափանիշներ: Խորհուրդը հաստատել է ՙՀայաստանի ավտոապահովագրողների բյուրո՚ իրավաբանական անձանց միության գործառնական, վարչական և կապիտալ ներդրումների գծով ծախսերի 2010 թ. տարեկան նախահաշիվը, լրացումներ կատարեց «Ապահովագրական և ապահովագրական բրոքերային գործունեության լիցենզավորումը, ապահովագրական գործակալի հաշվառումը, Հայաստանի Հանրապետության տարածքում օտարերկրյա ապահովագրական ընկերության մասնաճյուղի և ներկայացուցչության գրանցումը, ապահովագրական ընկերության կանոնադրական կապիտալում նշանակալից մասնակցություն ունենալու համար նախնական համաձայնություն ստանալու կարգը, ապահովագրական ընկերության գործունեության գործարար ծրագրի ձևը, ներկայացման կարգը և ժամկետները, ապահովագրական ընկերության և ապահովագրական բրոքերային ընկերության ղեկավարների ու պատասխանատու անձանց որակավորումը, ապահովագրական ընկերության ղեկավարներին, ապահովագրական բրոքերի պատասխանատու անձանց ներկայացվող մասնագիտական համապատասխանության և որակավորման չափանիշները, մասնագիտական համապատասխանության ստուգման և որակավորման կարգը, ապահովագրական ընկերության ղեկավարների, ապահովագրական բրոքերի պատասխանատու անձանց թեկնածուների մասնագիտական որակավորման ստուգման թեմաների ցանկը» կանոնակարգ 3/01-ում: