Պատերազմի դեպքում Իսրայելը կարող է միայնակ մնալ

Iran.ru-ի փոխանցմամբ` Իսրայելը դժվար թե կարողանա պատերազմի դեպքում ստանալ ամերիկյան հասարակության, հետևաբար և` բանակի աջակցությունը: CBS հեռուստաընկերության կողմից անցկացված հարցման արդյուքնում պարզ է դարձել, որ ամերիկացիների միայն 15 տոկոսն է պատրաստ Իրանին հակահարված հասցնելու դեպքում աջակցել ամերիկյան զորքերին, և միայն 25 տոկոսը` եթե Իրանի Իսլամական Հանրապետությունը հարված հասցնի ամերիկյան տարածքին:
Այդ հարցումը ցույց է տվել ամերիկացիների հստակ պացիֆիստական տրամադրությունները: Հարցվածների գրեթե մեկ քառորդը հայտարարել է, որ ոչ մի դեպքում չի աջակցի իշխանություններին Իրանի դեմ մղված պատերազմում, ևս մեկ քառորդն էլ հայտնել է, որ անհրաժեշտ է հակահարված հասցնել իրանցիներին, եթե նրանք հարձակվեն Պարսից ծոցում գտնվող ամերիկյան նավատորմի վրա, որտեղից ստացվում է աշխարհում վաճառվող նավթի կեսը:
Այս տվյալները կարևոր նշանակություն ունեն Կոնգրեսի միջանկյալ ընտրություններից առաջ, որոնք կայանալու են այս տարվա նոյեմբերին, և որոնք հստակ բացասական միտում են ցույց տվել Բարաք Օբամայի և դեմոկրատակա կուսակցության դեմ: