Ադրբեջանի մաքսային կոմիտեն հուլիսի 17-ից սեպտեմբերի 17-ը հատուկ միջոցառումներ է ձեռնարկել, ինչի արդյունքում մաքսանենգությամբ զբաղվող խմբավորում է բացահայտվել եւ ձերբակալվել: Վերջիններս թմրամիջոցներ են տեղափոխել Կանադա, Շվեդիա եւ Հունաստան: Այս մասին տեղեկացնում է APA լրատվական գործակալությունը: Օպերատիվ միջոցառումների արդյունքում հայտնաբերվել է 38 կգ 138 գրամ թմրանյութ, որից 27 կգ 981 գրամ օփիում, 10կգ 157 գրամ` հերոին, ինչպես նաև՝ «Մակարով» մակնիշի մեկ ատրճանակ և այլ պարագաններ, որոնք օգտագործվել են հանցագործության ժամանակ: Միջազգային հանցավոր խմբի կազմակերպիչների եւ անդամների եւ մասնավորապես, Իրանի քաղաքացի Էզատադին Մոստաֆայի ու Ադրբեջանի քաղաքացի Էլչին Ջաֆարովի նկատմամբ մի շարք հոդվածներով քրեական գործ է հարուցվել: