Facebook սոցիալական ցանցի հասույթն անցած տարի կազմել է մոտ 2 մլրդ դոլար: Դրանից մոտ 1,86 մլրդ-ն ընկերությունը ստացել է գովազդից: Facebook-ը նաև մեծ գումարներ է ստացել առցանց խաղերի վաճառքից:
Այս մասին գրել է Advertising Age կայքը:
Ըստ կայքի, գովազդից ստացված հասույթի մոտ 60%-ը մանր և միջին բիզնեսի տեղադրված գովազդներից է, ինչպես նաև հայտարարություններ տեղադրելու սեփական պլատֆորմից:
Մոտ 740 մլն դոլար ստացվել է խոշորագույն ընկերություններից` Procter & Gamble և Coca-Cola: Անցած տարի Facebook-ում ցուցադրվել է 50 մլրդ գովազդային հայտարարություն ամեն ամսվա ընթացքում, որը ԱՄՆ առցանց գովազդի մոտ 5%-ն է, իսկ կայքի գնահատմամբ, այն այս տարի կաճի մինչև 8%:
Կայքի կանխատեսումներով, 2012 թ. գովազդից ստացված հասույթը կկազմի 5,74 մլրդ դոլար: Համեմամտության համար ասենք, որ երբեմնի հայտնի MySpace կայքի գովազդային հասույթները 2012 թ. կկազմեն 156 մլն դոլար` 2009 թ. 470 մլն-ի փոխարեն: