Թուրքիայի Գազիանթեփ քաղաքում շարունակվում է Եվրոպայի 2012թ. կանանց անհատական առաջնությունը: Մրցաշարի պաշտոնական կայքի տեղեկացմամբ 8-րդ տուրում Հայաստանի ներկայացուցիչներն անհաջող հանդես եկան:
Էլինա Դանիելյանն ու Մարիա Կուրսովան իրենց պարտիաները ոչ-ոքի ավարտեցին, իսկ Լիլիթ Մկրտչյանը, Լիլիթ Գալոյանն ու Աննա Հայրապետյանը սպիտակ խաղաքարերով պարտություններ կրեցին: Գրանցվեցին հետևյալ արդյունքները`
Լահնո – Դանիելյան` 0.5:0.5,
Մկրտչյան – Կոսինցևա` 0:1,
Գալոյան – Իվախինովա` 0:1,
Բոդնարուկ – Կուրսովա` 0.5:0.5,
Հայրապետյան – Կաշլինսկայա` 0:1:
8-րդ տուրից հետո Էլինա Դանիելյանը վաստակել է 5.5 միավոր և ևս 7 շախմատիստուհիների հետ կիսում է 7-14-րդ տեղերը: 1-ին տեղը 6.5 միավորով բաժանում են Գունինան, Ֆիոսորն ու Մուզիչուկը: