Այսօր հայտնի երգչուհի Lady Gaga-ն Twitter-ի իր միկրոբլոգում գրել է, որ YouTube-ի իր ալիքն անցել է մեկ միլիարդ դիտումների շեմը: «Իմ փոքր հրեշներ, մենք հասել ենք մեկ միլիարդ դիտման YouTube-ում: Միասին մենք շատ բան կարող ենք անել: Ես ձեզ կարգում եմ YouTube-ի թագավորներ և թագուհիներ: Միավորվեք»-, հայտարարել է Lady Gaga-ն: Երկրորդ տեղն այս ցուցանիշով զբաղեցնում է Ջասթին Թիմբերլեյքը:
Մինչ այդ Lady Gaga-ն Facebook սոցիալական ցանցում մրցում էր ԱՄՆ նախագահ Բարաք Օբամայի հետ: Այս տարվա հուլիսին նրան հաջողվեց անցնել 10 մլն շեմը: Այսօր արդեն այդ սոցիալական ցանցում երգչուհու էջը հավանող այցելուների թիվն անցնում է 20 մլն-ը: Օգոստոսին Lady Gaga-ն շրջանցել է Բրիթնի Սփիրսին նաև Twitter միկրոբլոգների ցանցում: Այն այժմ ունի 7 միլիոն այցելու: