Thursday, 28 03 2024
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ
Ռուսաստանցիները կորցնում են հետաքրքրությունը Դուբայի նկատմամբ
Ադրբեջանը հրաժարվում է սահմանազատումից՝ Հայաստանին ներկայացնելով ահաբեկիչ և օկուպանտ
Հայկական լեռնաշխարհը պատմականորեն եղել է համաշխարհային քաղաքակրթությունների խաչմերուկ. ՀՀ նախագահ
ԿԳՄՍ նախարարն ու փոխնախարարն այցելել են «Թատրոն տանիքում» այլընտրանքային թատրոն
20:00
Live. «Առաջին լրատվական» տեղեկատվական-վերլուծական կենտրոն
ԱԺ պատգամավորներն աշխատանքային այցով կգործուղվեն Բեռլին
ՀՀ կառավարության ուղարկած մարդասիրական օգնությունը հասել է Եգիպտոս. 1– 2 օրում կփոխանցվի Գազայի բնակիչներին
Հայաստանի տարածքում կան փակ և դժվարանցանելի ավտոճանապարհներ
Եվրոպական խորհրդի քաղաքական եւ անվտանգության հարցերով կոմիտեի անդամները կայցելեն Հայաստան
Սահմանամերձ գյուղերում բնակարան կառուցելու համար պետական աջակցության ծրագրով նախորդ տարի հաստատվել է 280 շահառուի հայտ
Լրատվական-վերլուծական երեկոյան թողարկում
Ուղիղ. այսօր Ավագ Հինգշաբթի է. ոտնլվայի արարողություն և խավարման կարգ Անթիլիայում
18:50
Ռուսաստանը պատրաստվում է նոր մեծ հակահարձակման
«Կովկասի գերուհու» տնօրենը 11մլն․ դրամ է հափշտակել
Համոզված եմ մենք կունենանք սերունդ, որը կապրի ԵՄ անդամ Հայաստանում. Էդգար Առաքելյան
Ավագ հինգշաբթին Մայր Աթոռ Սուրբ Էջմիածնում
18:40
ԵՄ-ը մինչև ապրիլ կներկայացնի Ուկրաինային սպառազինությունների մատակարարման պլանը
Իսրայելը ՀԱՄԱՍ-ի 200 զինյալ է լիկվիդացրել Աշ-Շիֆա հիվանդանոցում
«Աշխարհին նոր բազմակողմանի առևտրային համակարգ է անհրաժեշտ». Տոկաև
Գազայում սովը կարող է դիտվել որպես պատերազմի հանցագործություն. ՄԱԿ-ի Մարդու իրավունքների գերագույն հանձնակատար
18:10
«Գերմանիայի հատուկ ծառայությունները չեն իմացել Մերձմոսկվայում նախապատրաստվող ահաբեկչության մասին». Շոլց
18:09
ԱՄՆ-ն 228 մլն դոլար է հատկացրել Բալթյան երկրներին 2024 թ. պաշտպանության համար
Հայկ Մարությանն առաջիկայում կուսակցություն կհիմնի
Ղրղզստանի մայրաքաղաքում ավազամրրիկից շենքեր և ավտոմեքենաներ են վնասվել
18:06
Ֆրանսիայում դադարեցվել է գնացքների երթևեկությունը «Նելսոն» փոթորկի պատճառով
«Սիրիայում, Լիբիայում, Ղարաբաղում կամ այլ տեղ բախվում էինք գլոբալ դաշինքի հակազդեցությանը». Էրդողան
Լրատվական-վերլուծական երեկոյան թողարկում
Վանաձորում հղի կնոջ մահվան համար մեղադրանք է առաջադրվել 3 բժշկի

Ո՞րը կլինի Սերժ Սարգսյանի առաջին պարտությունը

2011 թվականի քաղաքական առաջին հարցերից մեկը, բնականաբար, վերաբերում է նախորդ տարեվերջին տեղի ունեցած կադրային փոփոխությունների շարունակությանը: Բոլորին հետաքրքրում է հարցը, թե արդյոք լինելո՞ւ է շարունակություն, ե՞րբ է լինելու, ո՞ր ոլորտներում, ի՞նչ տեմպով: Տարբեր լրատվամիջոցներում հայտնվում են կադրային սպասվող փոփոխությունների մասին ոչ պաշտոնական տարբեր տեղեկություններ, որոնք երբեմն հակասում են իրար: Շատ հաճախ, դատելով նախորդ փորձերից, այդ տեղեկությունները չեն դառնում իրականություն, և կատարվում է գրվածների այսպես ասած՝ հակառակը: Այսինքն՝ ինչպես մի անգամ առիթ ունեցել եմ ասելու, հաճախ հենց ինքը՝ իշխանությունը, մարդկանց անուններ է դնում շրջանառության մեջ, իրականում դրանց թեկնածությունները այսպես ասած «վառելու» համար: Իհարկե, շատ դժվար, գրեթե անհնար է պարզել, թե հատկապես որ անունն է այդ նպատակով դրվում շրջանառության մեջ, և որ անունն է շրջանառության մեջ դրվում որպես իրական թեկնածու: Այդ իսկ պատճառով ավելորդ է, թերևս, հրապարակվող անունների մեջ խորամուխ լինելը: Պարզապես փորձենք հասկանալ կադրային փոփոխությունների տրամաբանությունը, միտումները:

Գրեթե աներկբա է, որ այդ փոփոխությունների հիմնական շարժառիթներից մեկն այն է, որ իշխանությունը պատրաստվում է գալիք ընտրական փուլին, որի առաջին հանգրվանը 2012 թվականի խորհրդարանի ընտրությունն է: Բանն այն չէ, որ իշխանությունը փորձում է կադրային փոփոխություններով քարոզչական էֆեկտ ստանալ և հասարակությունից ձայն կորզել:

Դա իհարկե կա, ընդ որում, գուցե բավական զգալի մասով, սակայն հիմնական խնդիրը թերևս այն է, որ Սերժ Սարգսյանը փորձում է ընտրական փուլից առաջ բյուրեղացնել իշխանությունը, որ ժառանգել էր Ռոբերտ Քոչարյանից: Այն ժառանգությունը, որ նա ստացել էր Քոչարյանից, Սերժ Սարգսյանին երբեք թույլ չի տալու ընտրական փուլում իրեն զգալ ինքնավստահ և լինել դրության տերը: Ինչքան էլ որ ընդհանուր լինի նրա և Ռոբերտ Քոչարյանի շահը, որի առանցքում իշխանական ներկայիս համակարգը և դրանում իրենց համար առկա անվտանգության երաշխիքները պահելն է, միևնույն է, կան հարակից բազմաթիվ գործոններ՝ թե՛ ներքին, թե՛ արտաքին բնույթի, որոնք իրենց ազդեցությունն են թողնում շահերի ամբողջական համակարգի ձևավորման հարցում:

Ահա այդ տրամաբանությամբ էլ Սերժ Սարգսյանը ձգտում է ձևավորել իր համակարգը: Դա չի նշանակում, որ նա այդ համակարգը կտրականապես հակադրելու է, ասենք, Ռոբերտ Քոչարյանին: Ոչ, գուցե այդ համակարգով Սերժ Սարգսյանը Ռոբերտ Քոչարյանին անվտանգության շատ ավելի մեծ երաշխիքներ տա, շատ ավելի հուսալի պայմաններ ստեղծի Քոչարյանի համար: Բայց խնդիրն այն է, որ Սերժ Սարգսյանը պետք է ինքն իրեն զգա այդ համակարգի լիարժեք տերը, ոչ թե կիսի այդ «սեփականությունը» Քոչարյանի հետ: Ահա այդ տրամաբանությամբ կադրային փոփոխությունների առնվազն մեծ ցանկությունը թերևս աներկբա է: Այն կադրային կազմը, որ կա իշխող վերնախավում, ձևավորվել է Ռոբերտ Քոչարյանի գործուն մասնակցությամբ, ազդեցությամբ: Հետևաբար, սեփական համակարգին անցման ճանապարհին Սերժ Սարգսյանը պետք է փոխի այդ կադրային կազմը:

Այդ փոփոխությունն ունի երկակի նշանակություն` նախ նա պետք է դրանով ցույց տա, որ ի վիճակի է ինքնուրույն կադրային տեղաշարժեր կատարել և այդ իմաստով իրեն զգում է բավական կենսունակ, և բացի այդ էլ նա պետք է ձերբազատվի բոլոր այն պաշտոնյաներից, որոնք իր և Ռոբերտ Քոչարյանի փոխզիջման արդյունք են: Տարբերակ է նաև այն, որ այդ պաշտոնյաները լիակատար հավատարմության երդում կտան Սերժ Սարգսյանին: Բայց ով, եթե ոչ Սերժ Սարգսյանը լավ գիտե այդ մարդկանց երդման գինը:

Իրավիճակն այլ կլիներ, իհարկե, եթե Սերժ Սարգսյանը Ռոբերտ Քոչարյանից հստակ երաշխիք ստանար, որ նա հրաժարվել է իշխանական իր հավակնություններից: Բայց Քոչարյանն ակնհայտորեն չի ուզում տալ այդպիսի երաշխիքներ: Հետևաբար, Սերժ Սարգսյանը իր իշխանությունը պետք է կառուցի իր առաջարկած շահերի, ոչ թե այլոց երդումների վրա։ Ահա թե ինչու կադրային փոփոխությունների շարունակությունը, ընդ որում՝ լայն թափով, անխուսափելի է թվում: Պետք է ենթադրել, որ հերթն արդեն հասել է ուժային կառույցներին: Այստեղ է, որ Սերժ Սարգսյանը ամբողջովին կանգնած է Քոչարյանի հետ փոխզիջումների վրա: Թե՛ դատախազությունը, թե՛ ոստիկանությունը, թե՛ ազգային անվտանգության ծառայությունը, թե՛ զինված ուժերը գլխավորապես քոչարյանական «ճարտարապետության» կրողներն են:

Անշուշտ, ֆունդամենտալ փոփոխություններ չեն լինի, սակայն լայնածավալ կադրային լուծումներ չլինելու պարագայում Սերժ Սարգսյանը կարող է մշտապես լարված վիճակում լինել: Ի վերջո, նրա նախագահության անցած շրջանը դրա լավագույն վկայությունն է, երբ պարբերաբար խոշոր տապալումներ և արտակարգ իրավիճակներ էին լինում ուժային կառույցներում: Դրանք Սերժ Սարգսյանի «աքիլեսյան գարշապարն» են: Խոսքը, իհարկե, հասարակության հետ հաշվեհարդար տեսնելու մասին չէ: Երբ հերթը հասնում է դրան, ապա ուժայինները մեկ մարդու նման անցնում են իրենց գործին: Խոսքն այն մասին է, որ դրանցում կարող են տեղի ունենալ տարատեսակ սաբոտաժային երևույթներ, ինչպիսիք մենք տեսնում էինք տարվա ընթացքում:

Իսկ ընտրությունների մոտենալուն զուգահեռ, որքան կրքերը թեժանան, սաբոտաժներն էլ կարող են թեժ լինել և բավական խոցելի դրության մեջ դնել Սերժ Սարգսյանին: Հետևաբար, կարծես թե ակնհայտ է, որ նրա գերխնդիրը նոր տարվա ընթացքում պետք է լինի ուժային համակարգերը լիարժեքորեն «յուրացնելը»: Առանց կադրային լուծումների, այդ բանն անելը գործնականում անհնար է, քանի որ դրանք ձևավորված են Քոչարյանի հետ փոխզիջումային սկզբունքով: Եթե այդ ոլորտներում տարվա առաջին կեսին տեղի չունենան նշանակալից կադրային փոփոխություններ, ապա դա կլինի վկայությունն այն բանի, որ Ռոբերտ Քոչարյանը դառնում է գալիք ընտրական փուլի «բաժնետեր», ինչը կլինի Սերժ Սարգսյանի առաջին պարտությունը այդ փուլում:

Բաժիններ
Ուղիղ
Լրահոս
Որոնում