Հունվարի 21-ից ԱԼՄ հեռուստաընկերությունը այլեւս եթերում չի լինելու: «ԱԼՄ հոլդինգի» ղեկավար Տիգրան Կարապետյանը «Առաջին լրատվականի» հետ զրույցում ասաց, որ իրենք շարունակելու են գործել ինտերնետային տարբերակով. «Մենք կփորձենք ինտերնետային` այնպես, ինչպես «Ա1+»-ն է անում: Կփորձենք պահպանել մեր աշխատողների գոնե միջուկը: Ունենք դրա համար հնարավորություն, ունենք ինտերնետային լավ ցանց, ինտերնետային կայք»:
Տիգրան Կարապետյանը նշեց, որ չեն կարողանալու աշխատանքով ապահովել ԱԼՄ-ի բոլոր 84 աշխատակիցներին. «Ցավոք, 84 աշխատող մենք չենք կարողանա պահել, մնալու է ամենաքիչը 20 հոգի»: