«Առաջին լրատվականն» արդեն հայտնել է, որ Ղազախստանի խորհրդարանը քննարկման էր դրել երկրի գործող նախագահ Նուրսուլթան Նազարբաևի պաշտոնավարման ժամկետը մինչև 2020 թ. երկարաձգելու համար հանրաքվե կազմակերպելու մասին հարցը: Սակայն ինչպես այսօր հայտնի է դարձել, Նազարբաևը մերժել է խորհրդարանի այդ առաջարկը: Համապատասխան հրամանագիրը հրապարակվել է ղազախական մամուլում:
Սակայն հարցը մնում է բաց, քանի որ դժվար թե կարելի է ենթադրել, որ Նազարբաևը կհրաժարվի իր պաշտոնից: Հավանաբար, նա իր պաշտոնին կվերընտրվի սովորական մեխանիզմով` 2012 թ. նախագահական ընտրությունների ժամանակ, երբ ավարտվում է նրա պաշտոնավարման հերթական ժամկետը:
Հիշեցնենք, որ Նուրսուլթան Նազարբաևը Ղազախստանի անփոփոխ ղեկավարն է 1990 թվականից: