Հայաստանի ֆուտբոլի ֆեդերացիայի պաշտոնական կայքը տեղեկացնում է, որ փետրվարի 11-ին ՀՖՖ տեխնիկական կենտրոնում` Ֆուտբոլի ակադեմիայում, մենկարկեց մարչական A արտոնագրի հերթական` թվով երրորդ դասընթացը: Այդ մասին ՀՖՖ պաշտոնական կայքին հայտնել է ՀՖՖ արտոնագրման բաժինը:
Դասընթացին մասնակցում են 17 մարզիչներ, որոնք ներկայացնում են Հայաստանի Բարձրագույն խմբի առաջնության բոլոր թիմերը, ինչպես նաև Ֆուտբոլի ակադեմիայի մարզադպրոցը: Մասնակիցների թվում է նաև Հայաստանի ազգային հավաքականի նախկին գլխավոր մարզիչ Սուրեն Բարսեղյանը:
Դասընթացը վարում են ՀՖՖ հրահանգիչներ Ալբերտ Սաֆարյանը, Արմեն Սանամյանը, Աշոտ Ավետիսյանը, Սուրեն Չախալյանը, ինչպես նաև ՀՖՖ տեխնիկական տնօրեն, Հայաստանի ազգային հավաքականի գլխավոր մարզիչ Վարդան Մինասյանը: Նախատեսվում է նաև օտարերկրյա մասնագետների մասնակցությունը դասընթացին, որը կտևի մինչև ս.թ. նոյեմբերը:
Հիշեցնենք, որ համաձայն ՀՖՖ ակումբների արտոնագրման կանոնակարգի ՀՀ Բարձրագույն խմբի թիմերի գլխավոր և ավագ մարզիչները պարտավոր են ունենալ մարզչական A արտոնագիր: Այդ արտոնագիրը բարձրագույն մարզչական կատեգորիայի վկայական է, որը կարելի է ստանալ Հայաստանում: