ՌԴ մայրաքաղաք Մոսկվայում ընթացող «Աերոֆլոտ-օփեն» փառատոնի գլխավոր` A մրցաշարի 6-րդ տուրում Հայաստանի ներկայացուցիչներն անհաջող հանդես եկան:
5-րդ տուրից հետո մրցաշարի առաջատարների խմբում գտնվող Հրանտ Մելքումյանն ընթացիկ մրցաշրջանում կրեց իր երկրորդ պարտությունը: Մելքումյանը սև ֆիգուրներով 40-րդ քայլից հետո զիջեց Իտալիայի ներկայացուցիչ Ֆաբիանո Կարուանային:
Վլադիմիր Հակոբյանը, ով հանդես էր գալիս սև խաղաքարերով, 61-րդ քայլում իր պարտիան ոչ-ոքի ավարտեց Ռենատ Ջումաբաևի հետ:
Այսպիսով` 6 տուրերից հետո Մելքումյանն իր ակտիվում ունի 4 միավոր, իսկ Հակոբյանն իր վաստակած միավորների թիվը հասցրեց 3-ի: