Սիրված դերասան Երվանդ Մանարյանը 2011 թ. մեծ ակնկալիքներ և սպասումներ ունի. «Ցանկանում եմ, որ 2011 թ. մեր երկիրը լինի արդարամիտ բոլոր առումներով, դժբախտաբար, մենք դրա պակասը մեծապես զգում ենք և՛ տնտեսության ասպարեզում, որը համառորեն մնում է մենաշնորհային, և՛ խոսքի ասպարեզում, և՛ իհարկե դատական ասպարեզում, որի բացակայությունը նույնպես զգում ենք: Աստված տա, որ այս ամենը 2011 թ. ընթացքում հիմնականում գոնե կատարվի: Ցավոք, մեր թատրոնը նույնպես իր բարձրության վրա չէ, բայց պետք է ասել, որ ստեղծագործական առումով մենք լավ գործեր ունեցել ենք, բայց թատրոնը իր առաքելությունը չի կատարում: Թատրոնը պետք է հասարակությանը ճանապարհ ցույց տա»: