Երեկ լավ էր, քանց վուր էսօր

«Ըստ էության, 2010 թվականին գրանցված մեծ ձեռքբերումներ ես չեմ կարող նշել»,- վերհիշելով անցնող 2010 թ. իրադարձությունները՝ կարծիք հայտնեց իրավապաշտպան, ՀՀ քաղբանտարկյալների և հալածյալների պաշտպանության կոմիտեի համակարգող Վարդան Հարությունյանը:
Այդուամենայնիվ, Հարությունյանը մեկ ձեռքբերում նշեց. «Միակ ձեռքբերումն այն է, որ ընդդիմությունը, ինչպես կար իր բարձրության վրա, այնպես էլ շարունակեց մնալ և քաղաքական գործընթացները, որոնք կան Հայաստանում, հիմնականում պայմանավորված են հենց ընդդիմության գործունեությամբ»:
2010 թվականի ընթացքում իշխանությունների պահվածքը գնահատելով՝ Վարդան Հարությունյանն ասաց. «Իշխանություններն իրենց հանցագործ պահվածքով ինչպես կային, այնպես էլ շարունակում են մնալ և գնալով էլ ավելի են խճճվում իրենց վարքուբարքի մեջ»:
Իսկ իրավական առումով խոսելով 2010 թ. մասին՝ Վարդան Հարությունյանը շեշտեց, որ տարին էլ ավելի մեծացրեց իրավական ապօրինությունները Հայաստանում. «Վերջին երեք-չորս տարիների ընթացքում Հայաստանն ընդհանրապես իրավական առումով առաջընթաց չի արձանագրել, ավելին՝ տարի առ տարի նահանջ է գրանցվել՝ 2010-ին շատ ավելի լավ էր, քան 2009-ին, եթե, Աստված չանի, այսպես շարունակվի, ապա 2011-ին կլինի շատ ավելի վատ, քան այս տարի էր»: