Ամանորին ճանապարհային ոստիկանության աշխատակիցները արձակուրդ չեն գնալու և էլ ավելի խիստ են լինելու, մանավանդ հարբած և կոպիտ խախտումներ թույլ տված վարորդների նկատմամբ: «Ի՞նչ է նշանակում մեղմ վարվել. եթե հարբել են, թող ղեկին չնստեն և չհարամեն մյուսների տոնը: 2009թ. հունվարի 1-ին գրանցված պատահարները մեզ ստիպում են էլ ավելի խիստ լինել այդ օրերին»:
Նշենք, որ 2009թ. հունվարի 1-ին գրանցվել է ճանապարհատրանսպորտային 12 դեպք, 3 զոհ և 19 վիրավոր:
Պարտադիր ապահովագրություն չունեցող վարորդների նկատմամբ ևս ճանապարհային ոստիկանները խիստ են լինելու, քանզի օրենքը ուժի մեջ է մտնում 2011թ. հունվարի 1-ից: «Մենք որևէ կապ չունենք ապահովագրական կազմակերպությունների հետ, մենք պարզապես վարչարարություն ենք իրականացնելու, անելու ենք այն, ինչ գրված է օրենքով»,- ասաց Մարգար Օհանյանը։